運動日

昨天與藍人及哥哥一起去做gym, 游泳及焗桑拿.
真的很久也沒做運動.
但不知何解運動時我很少會出汗.
是因為我的運動不夠劇烈?
還是我的汗腺閉塞呢?
做gym那兒有很多有趣的玩意, 下次要帶相機去拍下, 向大家報告呢!

生果拼盤

這個嘛, 當然是我的傑作啦!
藍人跟哥哥們(我的及他的哥哥)在打機, 我就為大家準備了這個.
我在想: "為什麼從前在香港時不曾為爸媽做果盤呢?"
到底是從前真的沒時間, 還是沒在意為他們花心思呢?
噢! 很掛念他們呢!

悠閒星期天

星期日Tim & Kan約了我們到他們家午膳!
我們好像到了茶樓用膳似的.
Tim 為我們準備了白粥, 油條, 炒麵, 鳳爪, 燒賣 及义燒飽.
真的又豐富又美味!

















而小Max整個下午也望著我笑咪咪, 真的很可愛呢!

















飯後我們還去公園散步, 可惜我把相機留了下.
拍不了照!

O.E.C.

O.E.C. (日文發音)(解好味道)
這是我做的蟹子魚生飯.
做這個其實是因為......"懶"!
不用煮什麼, 煲好飯, 切好魚, "拾"好菜, 加豉油 & Wasabi, 攬掂!
健康又好味呢! 呵~呵~呵~

卡拉屋企

以前每當我心情好好或好差都會想去唱K, 特別係失戀後, 更會一個人去"嗌"吓.
與我唱過K的朋友們都知道, 我擁有一把拍得住楊釆尼跟張柏芝的"鵝公喉"!
That means: 我唱歌麻麻, 不過我又好鍾意唱喎!
今日心血來潮, 好想發洩一下.
於是在家裡開了我第一個個唱!





















我家有個100吋大銀幕嘛, 都幾好feel 架!
不過"臨急臨忙", 冇準備到果盤同nuts 添!


















我仲同方力申合唱添!
雖然D歌就舊D, 但由頭到尾自己唱晒, 個電視仲大過卡拉OK 果D, 都幾正架!
唔知我個U.S.Babe 係咪好想唱K 呢, 羡慕嗎??

小路寶一號

哈哈! 我就係小路寶一號而我身邊既就係紅粉Bear Bear!
我係點0黎? 係由甘美親手鉤出來架!
我係咪好可愛呢?!
至於紅粉Bear Bear, 佢係由甘美既鉤公仔師傅......
個位秀外慧中, 賢良淑德, 入得廚房, 出得廳堂, 人稱媽咪既Sindy既傑作.
(當然小路寶都要靠Sindy先可以誕生啦)

我係甘美送比藍人既情人節禮物!
希望甘美會再造多幾個朋友仔陪我啦 (我自己都希望可以)!

甘美: 依次返香港我好比心機學依門手藝, 希望返黎英國創業. 不過真係唔易學, 我都唔知冇Sindy係度我仲可唔可以自己整到一隻呢!
在此, 我要特別鳴謝嘔心瀝血咁教我依個蠢鈍兒既Sindy媽! (大家click上面藍色Sindy去睇吓佢d公仔啦,真係好靚架). 更要講既係, 同學仔Money & Carmen 加油呀! 做好隻公仔記住send比我睇呀!

回來了!

話咁快個半月既香港之旅已經結束!
其實我同藍人都未嘗夠香港d美食, 嗚...嗚...
不過見到我的好友 ---- 你們, 真的很開心呢!
雖然只見到一兩面, 但對我來說已是很寶貴!
可惜的是約不到楊明, hurray見面, 下次一定要約哦!
對於"你"跟"妳", 我實在有點掛心......

我不在香港, "你"不能隨意與我聊天, 遇到不快一定要找人傾訴,
唔好成日自閉呀! 我希望"你"能夠搵到個意中人, 生活開心!
工作今年既然有得上位, 咁就要全力以赴, 做到最好!
唔好辜負太子仔對"你"既期望!
我就當然full support you la!

至於"妳", 隻身走到去美國, 人生路不熟.
言語又唔便, 跟住個鬼佬, 我真的擔心呢......
不過佢都唔錯, 希望"妳"同佢開開心心啦!
Settle down 後, 盡快醫貓我或打比我, 咪等我成日掛治掛治"妳".
記住去到人地地方唔好成日嫌三嫌四呀!

回來這幾天, 一直很忙......
忙著工作, 執屋, 直到今天才有的時間
下星期開始又會很忙了, 因為哥哥會返港一個月,
輪到我做替工了!

早兩天是我們的結婚二週年紀念,
藍人竟然送花給我, 真是喜出望外!

遲些我會post 相同寫d旅行點滴,
到時再同大家分享啦!