依類遊戲一般都係d 大學生, 後生仔去玩
何解成三張野突然有此雅興
皆因一年前路過sale paintballs 既counter
我問藍人 : "war game 好玩嗎?"
他: "妳未玩過嗎?"
我: "未呀, 香港以前都唔興既"
他: "咁不如試吓啦, 幾好玩架"
就係咁樣買左個coupon
由於要一大班人先好玩
我地d朋友通常週末先放假
而我地週末就忙於開工
一路拖左成年, 張coupon今個月就過期
於是搵埋佢朋友餐館d 員工
加埋我地及我地哥哥,一個delivery man (uncle成54歲, 身型肥胖仲去玩, 好勁呀
)十六個人一起去打仗呀
在未去玩之前整個月都聽緊佢地講被射中會有幾痛, 瘀痕成個星期都唔散
我真係好驚
好想"縮沙"
但藍人唔比
藍人: 因為妳先安排這次活動, 人人可唔去, 但妳一定要去,唔駛擔心我會保護妳
唉! 我都知我走唔甩, 但係你話好玩果時, 冇講埋好痛嘛
我就係咁傻吓傻吓去左
比人射又射吓人
不過又真係幾好玩
槍林彈雨既感覺係好刺激
不過又令我諗起戰火無情
被迫上戰場的士兵真的很恐懼
中槍既人亦好痛苦
我梗有中啦
不過好彩只中了兩處
但有一處又紅又紫成朵花咁
都唔知一個星期散唔散
至於藍人, 一開戰都唔知去左邊度做英雄
等佢保護就唔駛玩喇
可惜冇機會影相
show唔到比大家睇個game有幾真
但總算係一次很有趣的經驗
