到茶餐廳order一份早餐，
大概五分鐘左右, 美味既心水早餐就會送到眼前，
讓你慢慢品嚐．
價錢都只不過是18大元, 凍飲加2蚊.
但對於我這個遠離香港的香港人來說,
彷彿已失去了這個權利.
昨天忽然想起已往星期日早上返教會前,
偶意會約弟兄姊妹共晉早餐.
我最喜愛的就是早餐B!
每間茶餐廳的早餐B都是不同,
但我常去光顧那間餐廳的早餐B是:
牛油方包 (通常我都唔要, 因為我唔鍾意食麵包,而且都食唔晒)
火腿菴列
沙嗲牛肉麵
餐飲要凍檸茶 (唔該)
今早心血來潮為自己做了一份早餐B!
點解只為自己?
因為老公去左打Golf,
而且佢對早餐B不感興趣(佢寧願食白粥油炸鬼).
攪左一輪, 終於有得食喇......
哇! 好嫩滑既火腿菴列,
同好好味既沙嗲牛肉呀!
加埋杯熱金桔蜜, 正!!
唯獨美中不足是身邊少了我的良朋知己,
與我談天說地.
掛念著你們,
也懷念著昔日的種種......
5 comments:
嘩~~自製沙嗲牛肉!勁!
仲未夠鐘放lunch, 你搞到我好肚餓呀~~>o<
我都好掛住當年約埋5個人響北角食完個茶餐廳早餐先至趕返學0既日子...好遙遠lu...
點解你會識整沙嗲牛肉麵呢?? 我只係食過你整個d煎雙蛋wor !
信:
沙嗲牛肉好易整架!
只要買樽沙嗲醬,買d牛肉,兜兜下咁就得喇!
係呀食完早餐趕去搭的士,跑到課室Joe Wong已經點緊名,好險!
此情不再,但記憶尤新!
基:
有得食煎雙蛋都好過冇呀!
當年未識買沙嗲醬嘛! 嘻嘻!
餐 A 改麵轉多士熱菜蜜仍然都係我最常吃的茶餐廳早餐啊！你回來以後再一起去吃喔！
祥記,
你個餐A好明顯係A for Alexander啦！
好呀！食早餐身體好！一齊食啦！
Post a Comment